Kooxo hubeysan oo dhaqtar ku dilay Magaalada Caabudwaaq ee gobolka Galgaduud

Caabudwaaq April 13 2013 (SDN)— Sida ay sheegayaan wararka ka imaanaya Degmada Caabudwaaq ee Gobalka Galgaduud niman wata gaari ayaa dilay nin dhaqtar ah oo ku sugnaa Degmadaasi.

Dilka dhaqtarkaan ayaa wuxuu ka dambeeyay kadib markii rag hubaysan oo gaaraya afar ruux kuwaasi oo watay gaari yar ayna ku dileen dhaqtarka Magaalada gudaheeda.

Dhaqtarka ayaa waxaa la sheegay inuu fadhiyay goob maqaayad ah halkaasi oo uu shaah ka cabaye,inkastoo raga dilka geestay aan la garaneyn cida ay yihiin.

Wararka ayaa intaasi ku daraya in raga dilka geestay ay wateen dareeska ciidanka Ethiopia kuwaasi aan lakala garaneyn inay yihiin Soomaali iyo Ethiopia.

Meydka dhaqtarka ayaa la sheegay in marka la dilay kadib la qaatay lana geeyay duleedka Degmada Caabudwaaq ee Gobalka Galgaduud.

Dibadbax looga soo horjeedo dilka dhaqtarka ayaa la sheegay inuu maanta ka dhacay Magaalada Caabudwaaq oo shacabka Magaaladaasi ay ku muujinayaan dareenkooda ku aadan sida ay u arkaan dilka ka dhacay Magaalada.

Waa dhacdo xanuun badan marka loo eego dhaqtar adeeg u haya Bulshada in la dilo iyadoo dilkiisa aan ujeed loo sababeyn ilaa iyo iminka.

SDN-Caabudwaaq