12:09 pm | Posted by

Dowladda Imaaraadka Oo Dowladda Soomaaliya ka caawineysa Dib u dhiska Ciidanka Soomaaliyeed

Dooxa March 30 2013 (SDN)– Sida uu qoray wargeyska Qaliij Times,waxaa si wada jir ah u kulmay Mdaxweynaha Soomaaliya Xasan Sheekh Maxamuud iyo dhaxal sugaha Bqortooyada Sacuudiga ahna ku xigeenka Sarkaalka ugu sareeya ciidamada isku taga imaaraadka Carabta,iyagoona ka wadahadlay arimaha Soomaaliya.

Mas’uuliyiintan oo ku kulmay qasriga Madaxtooyada Dubai ayaa si wanaagsan waxay diirada u saareen sidii loo xoojin lahaa xariirka Labo geesoodka ah ee u dhaxeeysa Soomaaliya iyo Imaaradka carabta.General Shaikh Mohammed bin Zayed Al Nahyan ayaa soo dhaweeyay kulanka ay wada qaateen Madaxweynaha Soomaaliya Xasan Sheekh Maxamuud iyo qaabka uu ku doonayo inuu ku samatabixiyo Soomaaliya.Waxay ka hadleen Labada dhinac horumaradii ugu danbeeyay iyo danaha gaarka ah ee Labada dhinac ka dhaxeeya.

Madaxweyne Xasan Sheekh Maxamuud iyo sarkaalkaan ka tirsan ciidamada iskutaga imaaradka Carabta ee General Shaikh Mohammed bin Zayed Al Nahyan ayaa dhanka kale waxay isla soo hadal qaadeen xaalada ammaanka ee dalka Soomaaliya,isagoona Mohammed bin Zayed uu sheegay in mar waliba ay garab taagan yihiin Soomaaliya.

Wuxuu qeexay in Soomaaliya mar dhow goobjoog u noqon doonto xaalad Nabad galyo,Deganaasho iyo Midnimo Qaran iyo horumaro kale oo intaasi ka sii badan oo Soomaaliya ku tilaabsaneyso.

Ugu danbeytii Madaxweynaha Soomaaliya Pro Xasan Sheekh Maxamuud ayaa amaanay dadaalada dhanka bini-aadanimada ay ka helaan Dubai iyo garab istaagista shacabka Soomaaliyeed.

SDN-Dooxa

Comments are closed