Saacid: Maamul ay dadka Reer Caabudwaaq rabaan ayay soo dooranayaan

Caabudwaaq March 06 2013 (SDN)— Ra’iisul wasaaraha Soomaaliya Cabdi Faarax Shirdoon ayaa qeyb ka mid ah khudbad uu ujeediyay shacabka Degmada Cabudwaaq waxa uu kaga hadlay waxa ay ka damacsan tahay dowladiisa gobolada dhexe ee dalka Soomaaliya.

Cabdi Faarax ayaa sheegay in qorshahooda uu qeyb ka yahay in dhinaca Maamulka iyo ammaanka ay ka ganacsiinayaan dadka islamarkaana ay dadka iyaga soo dooranayaan Maamulka ay doonayaan ee Degmadooda hogaaminaya.

Ra’iisul wasaaraha ayaa sidoo kale sheegay inay gacan ka gaysanayaan horumarinta adeegyada bulshada iyadoo loo kala horumarinayo wax waliba sida ay u kala muhiimsan yihiin.

Shacabka Degmada Caabudwaaq ayaa si wanaagsan usoo dhaweeyay hadalka Ra’iisul Wasaaraha Soomaaliya Cabdi Faarax Shirdoon Saacid iyo wasiiradiisa ka tirsan xukuumaddiisa ee shalay khudbada ujeediyay shacabka Degmada Caabudwaaq.

Hadalkaani ayaa waxa uu imaanayaa xili Ra’iisul wasaaraha Soomaaliya iyo wafdi uu hogaaminayo ay socdaal ku joogaan Gobolka Galgaduud.

SDN-Caabudwaaq