Dhaawaca Robin Van Persie Wax Ma u Dhimi Doonaa Man United? By Jaahuur.
London-Feb-25-2013-qurbejoognews.com-Akhyaartay qormadeena ciyaaraha waxaynu ku eegeynaa xagaa iyo Ingiriiska oo horyaalkii si habsami ah uga socdo.
Horyaalka Ingiriiska oo galey kulankiisii 27-aad waxaa 12-tan dhibcood si xalad leh ugu hogaaminaya Man United oo leh 68-dhibcood waxaana ku soo xigta Man City oo la soo gurguurneysa 56-dhibcood.
Haddaba weereryahanka ay Man United halbowlaha u ah Robin Van Persie oo dhawac soo gaadhey markii uu ku kufey god yar oo garoonka ku sugnaa oo ciyaartiina sii wadan kari wayey.
Ciyaar aad u xiisa badneyd waxaa foodda isla galey Chelsea iyo Man City waxaana ka soo qeybgaley dadweyne kor u dhaafey 45,000,daqiiqaddii 52-aad waxaa rigoore ka khasaariyey Chelsea Frank James Lampard oo aan hore looga baran inoo hawada mariyo.
Ciyaartan oo aan waxba la isu reeban waxaa khasaarihii Chelsea ka faa’deystey Man City markii daqiiqaddii 63-aad Yaya Toure ka dhaliyey gool aad u qurux badan kii niyadjabkana waxaa u raaciyey daqiiqaddii 85-aad Calos Jevez,gabagabadii ciyaartuna Man City-2- Cheseana-0.
W/ Qorey Jaahuur
qurbejoognews.com