Faah Faahin: Dagaal xoogan oo ka dhacay Magaalada Boosaaso ee Puntland

Boosaaso Feb 15 2013 (SDN)– Faah faahintaan dheeraadka ah ayaa waxa ay ka soo bexeysaa dagaallo khasaaro geestay oo u dhexeeyay Ciidamada Puntland iyo Xarakada Al Shabaab oo ka dhacay Deegaanka Ceelaanyo oo ku yaalla Galbeedka Magaalada Boosaaso ee Gobolka Bari.

Tirada ku dhimatay Dagaalka ayaa waxaa lagu soo waramayaa in ay Gaarayaan illaa 14 qof oo dhinacyadii dagaalamayay ka mid ahaa iyadoo  aaney jirin wax war ah oo ka soo baxay Saraakiisha Maamulka Puntland oo ku aadan khasaaraha dhankooda ka soo Gaaray Dagaalkaasi.

Dagaalka ayaa bilowday kadib Markii Ciidamada Maamulka Puntland ay wadeen Howl gallo ay sheegeen in ay ku xaqiijinayaan ammaanka Gobolka Bari iyagoo dagaal faraha looga gubtay kala kulmay Ciidamada Al Shabaab .

Dagaaladaan soo noq noqonaya ee Ka dhaca Gobolka Bari ayaa waxa ay Maalmihii dambe noqdeen kuwa caadi ka noqday Gobolkaasi kuwaas oo geesta khasaara isugu Jira dhimasho iyo dhaawac.

SDN-Boosaaso