Ciidamada dowladda Soomaaliya oo la wareegay deegaano ka tirsan gobolka Sh/hoose

Marka Feb 14 2013 (SDN)— Ciidamada dowladda Soomaaliya ee ku sugan gobolka Sh/hoose ayaa saakay la wareegay deegaano iyo degmooyin dhawr ah oo kuyaalla gobolka Sh/hoose kuwaasi oo ay gacanta ku hayeen Ciidamada Xarakada Al Shabaab. 

Sida uu noo xaqiijiyay taliyaha Taliyaha Gaaska labaad ee Ciidamada dowladda Soomaaliya Ciidamada dowladda ay hada gacanta ku hayay oo galay Janaale, Mubaarak iyo Jiidda Janaale. 

Deegaanadan ay Ciidamada dowladda Soomaaliya la wareegeen ayaa u dhaw Magaalooyin Qoryooley iyo Awdiinle halkaasi oo laga dareemayo cabsi dadka ay muujinayaan iyo dhaq dhaqaaqyo Al Shabaab ay kawadaan Magaalooyinkaasi.

Dad ku sugan Awdiinle iyo Qoryooley oo aan la xiriirnay aan noo xaqiijiyay in dagaalyahano ka tirsan Shabaab ay ka baxeen halkaasi inkastoo tiro aan badneyn ay ku harsanyihiin wali.

Wixii soo kordha waan Idinla soo socodsiindoonaa