Farasiiska oo Duqeymo ka wada Woqooyiga Maali

Bamako Feb 05,2013(SDN)-Dayuuradaha dagaalka ee ciidamada wadanka faransiiska ayaa  ayaa duqeeyey xarumo ay kooxaha falaadaha ay ku leeyihiin dhulka fog ee ku yaala dhinaca woqooyi ee wadankaasi Maali.

Wasiirka arimaha dibada ee Faransiiska ayaa sheegay  weeraradani xaga cirka in looga gol leeyahay sidii loo jari lahaa wadooyin ka ay sahaydu usoo jmarto kooxaha mintidiinta ah ee ciidamasda Faransiisku ay ka saareen magaalooyinkii ku yaalay xagga woqooyi ee Maali, halkaasi oo kooxahaasi mintidinta ahi ay gacanta ku hayeen muddo toban bilood aheyd.

Laurent Fabius waxaa uu u sheegay raadiyaha caalamiga ah ee Faransiiska in aanay falaagadu  awood u laheyn in ay sii joogaan muddo dheer , hadii aanay helin kaalmo cususb.

Qiyaas dhan ilaa soddon dayuuradood oo kuwa dagaalka ah  ayuu Faransiisku u diray jiidaasi si Axadii  iyadoo laga cabsi qabo in  xoogagii falaagadu ay dib iskugu soo abaabulaan dhinaca dhulka buuraleyda ah.

Shidaalka iyo cuntada ayaa la sheegay in ay qiimahoodii uu cirka isku shareeray  dhinaca woqooyi ee   Maali kadib markii qaar ka mid ahaa dadkii ganacsatada ahaa ay halkaasi iskaga carareen.

SDN-Bamako

contact@somalidiasporanews.com