Golaha Deegaanka ee Degmada Balli Gubadle oo doortay Gudi hoosaadyo ka shaqeeya hawlaha dawlada hoose.

Hargaysa 3.Feb.(SDN) Golaha deegaanka ee Degmada balligubadle ayaa fadhi ay manta ku yeesheen xaruntooda oo ay kala soo qayb galeen Maamulka gobolka iyo taliyayaasha ciidamadu waxa guddi hoosaadadii golahaasi  loo calaamadiyey waajibaadkooda shaqo.

Mayorka magaalada balligubadle Md cabdi iimaan Jaamac ayaa hadalo uu halkaa uga jeediyey xubnaha golaha deegaanka waxa uu u sheegay guddi hoosaad walba in looga fadhiyo sidii ay uga soo bixi lahaayeen waajibaadkooda.

Taliyaha Booliska Gobolkaasi Mahad Shaqalle ayaa isna kuankaasi ka sheegay adkaynta nabadgelyada iyo xasiloonida gobolka.

Badhasaab ku xigeenka gobolka Hawd Md Khadar xasan oo isna kulanka manta hadal kooban ka jeediyey kulankaas ayaa ka dalbaday golaha deegaanka ee cusub sidii ay wada shaqaynta ka dhexaysa golaha deegaanka iyo maamulka gobolka u sii xoojin lahaayeen.

Hargaysa SDN.