Wasiirka Cadaalada oo hargaysa ka furay Kulan dib loogu eegayo xeerka xabsiyada dalka ee Somaliland .

Hargaysa 30.Jan(SDN

Wasiirka wasaaradda cadaaladda Mud, Xuseen Axmed caydiid oo uu weheliyoTaliyaha ciidanka Asluubta Maxamed Xuseen Faarax, ayaa maanta kulan howled socon doona laba maalmood  kuna saabsan  dib-u-eegista xeerka xabsiyada   dalka ee Somaliland  ka furay huteel Maansoor ee magaalada hargeysa.

Kulan howleedkan oo ay ka qayb galeen Ku simaha xeer ilaaliyaha Guud , Garyaqaanka  Guud ee  dawladda, Agaasimaha waaxda xabsiyada wasaarada cadaaladda,Saraakiisha ciidanka asluubta  Iyo sarkaal ka  socday hay’adda UNDP, waxa  ugu horay halkaa  ka hadlay wasiirka wasaarada caddaaladda Mud, Xuseen Axmed Caydiid,waxaanuu sheegay in xeerka xabsiyadu uu soo maray maraaxil badan, kana soo qayb qaateen ,bahda garsoorka, Jaamacadda Hargeysa,iyo hay’ado badani.Waxaanuu wasiirku   ka qayb galayaasha   u soo jeediyey in wixii macluumaad ah  ee maanta ay ku soo kordhiyaan xeerkan  ay noqon doonaan wax  lagu xasuusan doono.

Mud, Xuseen Axmed caydiid oo ka hadlayey xeerka xabsiyada  waxa uu sheegay,in xeerkan marka la eego  uu wax-badan tix-geliyey xagga xuquuqda aadamaha oo haatan uu la shaqayn karo nidaamka caalamiga ah.waxaanuu wasiirku intaa raaciyey inuu soo kordhiyey xeerkani  wax-yaalo badan oo aan hore u jiri jirin sida nidaamka  loo yaqaano  shuruud ku sdii daynta maxaabiista, kaasi oo uu xusay inuu yahay nidaam la doonayo in dhawaan laga dhaqan geliyo xabsiyada.waxaanuu kula dardaarmay ka qayb galayaasha inay ku dedaalaan sidii ay iyana xeerkan wax ugu soo kordhin lahaayeen.

Taliyaha ciidanka asluubta maxamed xuseen Faarax oo  isna halkaasi halkaa ka hadlay ayaa sheegay inay soo dhoweynayaan in xabsiyada loo sameeyo sharci cusub  si ay caalamka ula jaan qaadaan.waxaanuu  xusay inuu yahay xeer baahi weyn loo qabay.waxa kale oo iyana ka hadlay xubno ka mid ah qayb galayaasha kulanka howleedka.

Qaar ka Mid ah Xubnaha ka qayb qaadanayay Kulan hawleedkan ayaa Sheegay in la gaadhay Wakhtigii Si quman dib loogu eegi lahaa Xaaladaha ka jira Xabsiyada iyo Sidii ay isula jaanqaadi lahaayeen Xeer nidaamiyahan.

Hargaysa SDN.