AU: Ra’iisul wasaaraha Etniopia Hailemariam oo la wareegay hogaaminta Ururka Midowga Africa

Addis Ababa Jan 28 2013 (SDN)– Ra’iisul wasaaraha dalka Ethiopia Hailemariam Desalegn ayaa la wareegay hogaaminta Ururka Midowga Africa sida laga shaaciyay shirka ka soconaya Magaalada Addis Ababa ee Xarunta Ethiopia.

Hailemariam Desalegn ayaa kala wareegaya xilka guddoomiyaha Ururka Midowga Africa Madaxweynaha dalka Benin Thomas Boni Yayi kaasi oo sanadkii la soo dhaafay xilkaasi hayay.

Ra’iisul wasaaraha Ethiopia oo ka hadlay kulan madaxeedka Midowga Africa ayaa sheegay in uu aad ugu faraxsanyahay xilka uu la wareegay waxana uu tilmaamay in howsha loo dhiibay uu siwacan u qaban doono.

Lawareegitaanka Xilka guddoomiyanimo Ra’iisul wasaaraha Ethiopia ayaa noqoneysa mid soo dag degtay sabtoo ah waxa uu talada hayaa dhawr bilood kaddib markii uu geeriyooday Ra’iisul wasaarihii hore Meles Zenawi.

SDN-Addis Ababa