Gudoomiyaha Bisha Cas ee Somaliland oo tababar u furay Madaxda iyo Hawl wadeenada Hay’adaas.

Hargaysa 27.Jan (SDN)

Gudoomiyaha Bisha  ee Somaliland Axmed  Cabdi  Bakaal, ayaa maanta  shir howleed socon doona muddo  shan maalmood ah  uga furay  huteel maansoor ee magaalada hargeysa, gudoomiyayaasha  iyo howl-wadeenada Ururka Bisha Case ee gobolada dalka,  kaasi oo lagu falan qayn  doono howlaha  mashaariicda  Ururka bisha case ee sanadkan 2013.

Gudoomiyaha Ururka Bisha Case e Somaliland Axmed Cabdi Bakaal, oo furitaankii kulanka  ka hadlay ayaa waxa uu faahfaahin  ka bixiyey ujeedada kulankan  loo qabtay iyo wax-yaabaha lagu lafa guri doono  mudada  uu socdo.

Waxaanuu Gudmiyaha ururka Bisha Cas ee S/land  Axmed Cabdi Bakaal uu xusay  in howlaha  ururka bisha case  sanadkan u qorshaysani  ay   ka badnaan doon  sidii hore. Waxa kale oo uu tilmaamay in kulankan  lagu eegi doono  sidii wax looga ogaan lahaa  mashruuca ku wajahan  dhinaca baahiyaha  aasaasiga ah ee dadka  iyo sidii baahiyahaasi wax looga qabtay  si ay dadku  ugu xasili karaan deganaanshahooda.

Gudoomiyaha oo ka hadla   kulan howleedkan iyo waxyaalaha lagu baran doono,ayaa sheegay   in mashruucani uu bilaabmi doono lix bilood ka dib, hase ahaatee saddexda bilood ee hore ay tahay  sidii  diyaar-garow  loo samayn lahaa, iyada oo Gobol kasta la ogaanayo baahiyaha yaala , ka dib marka  xog-taasi gobolada  ee dadka laga soo ururiyo la dhamays tiro  howsha la guda geli doono.

Gudoomiyaha Bisha Cas ee S/land Axmed Cabdi Bakaal, wuxuu kuladar-daarmay ka qayb galayaasha kulankan in mudada uu socdo si wanaagsan looga faa’iidaysto macluumaadka  lagu qaadanayo.

Hargaysa SDN.