Marwada Madaxweynaha Somaliland oo ka qayb gashay Xus ay haweenku u sameeyeen Dhalashada Nebiyulaahi Muxamed NNKH.

Hargaysa 27.Jan (SDN) Marwada kowaad ee Dalka Jamhuuriyaddasomaliland Marwo Aamina-weris sh.Maxamed Jirde, ayaa maanta  Haween weynaha Somaaliland kala qayb—gashay  Xaflad ay  ku xusayeen munaasibadda dhalashada Nabigeenii suubanaa ee Muxamed ibnu C/laahi NNKH, taasi oo lagu qabtay  huteel maansoor ee magaalada Hargeysa.

Marwada kowaad  Marwo aamina weris  sh.Maxamed Jirde  oo xafladaa ka hadashay, ayaa sheegtay in ay aad ugu faraxsan tahay inay ka soo qayb gasho xafladan, oo ay ku tilmaamtay inaanay jirin xaflad ka khayr iyo sharaf badan oo laga qayb galaa. Waxaanay halkaasi mahad-naq iyo amaan uga soo jeedisay  Haweenka S/land ee iska xilsaaray qabashada  xaflad  ay ku xusayaan nabigeenii suubanaa NNKH.

Marwo Aamina-weris waxa kale oo ay xustay in dadka ku kulma munaasibadan oo kale  ay ducadoodu kacayso, sidaas darteedna loo ducayo dalkeena iyo dadkeena somaaliland.

Waxa  kale oo  halkaasi haweenka  xaflada ka soo qayb galay  ay ka soo jeediyeen  hadalo ku taxan siiradii Rasuulkeena suuban iyo Qasaa’id Nebi ammaan ah.

Hargaysa SDN.