Ra’iisul wasaare Saacid oo kadalbaday shacabka Soomaaliyeed in ay Xukuumadiisa taageeraan

Muqdisho Jan 01 2013  (SDN)– Cabadi Faarax Shirdoon Saacid Ra’iisul wasaarah Xukuumadda Soomaaliya ayaa waxa uu ka dalbaday Umadda Soomaaliyeed in ay la shaqeeyaan Xukuumadiisa si uu uga tilaabsado dhibaatooyinka dalka ka jira ee Xukuumadihii hore la dagay.

Ra’iisul wasaaraha oo la hadlayay Idaacadda Afka dowladda ku hadasha ayaa waxa uu sidoo kale ku celiyay in Ammaanka dalka ay muhiimada koowaad siindoonaan islamarkaana ay waxa ka qaban doonaan falalka amaan dari ee ka jira meelo badan.

Mr Saacid ayaa tilmaamay in Kun Askari oo Ciidmo dowladda ah la diyaarinayo si ay u sugaan Ammaanka Magaalada caasimada ah ee Muqdisho, taasi kaddib sahli doonta in la xaqiijiyo amaanka gobolada dalka.

Ra’iisul wasaraha ayaa sidoo kale shacabka Soomaaliyeed ugu hanbalyeeyay sanadka cusub ee 2013 waxana uu xusay in qorshahooda sanadkan uu dagsanyahay islamarkaana ay wax ka qaban doonaan arrimo badan oo horyaalla.

SDN-Muqdisho