Cutub ka soo Goostay Kooxda Khaatumo oo Saaka ku soo Biiray Ciidanka Qaranka ee Aaga Gambadha ee Gobolka Sool

 

 

Hargaysa 23 Dec .(SDN) Taliyaha Guud ee Ciidanka Qaranka JSLIsmaaciil Maxamed Cismaan ((Shaqalle) ayaa war uu maanta xafiiskiisa ka soo saaray  oo soo gaadhay Shabakada SDN waxa uu ku caddeeyey in saaka ay Ciidanka qaranka ee Aagga gambadhe ee Gobolka Sool  u soo galeen cutub ka tirsanaa kooxda Khaatumo.

Taliye shaqalle waxa uu intaa ku daray in ciidankaas oo watay afar gaadhi  oo labo a mid ahi ay tikniko yihiin.

Taliyaha Ciidanka qaranku waxuu sheegay in ay aad u soo dhoweynayaan walaalahooda la khalday ee haatan nabadda qaatay, waxuuna uga baaqay kuwa ka hadhay inay soo raacaan walaalahooda kale ee qiimaha nabadda fahmay.

Dhanka kalena  mas’uuliyiin uu hor kacayo Gudoomiyaha Gobolka Sool Maxamud Cali Jeeni yare,kana  mid yihiin taliyaha qaybta  ciidanka qaranka ee gobolkaSool ayaa ciidamada ka soo baxay kooxda khaatumo waxa ay ku soo dhoweeyeen Duleedka tuulada Gambadhe, iyagoo u soo gelbiyey dhinaca xarunta gobolka Sool ee laascaanood.

Hargaysa SDN