Madaafiic qasaaro geysatay oo xalay ku dhacday degmada Wardhiigley ee gobolka Banaadir
Muqdisho Dec 22 2012 (SDN)–Madaafiic khasaaro kala duwan geesatay ayaa xalay waxaa laga maqlay Magaalada Muqdisho kuwaasi oo ku dhacay qaarkood Degmada Warta Nabadda ee Muqdisho.
Madaafiicda oo aan la garaneyn halka ay kasoo dhaceen ayaa marqura saqdii dhexe ee xalay waxaa laga maqlay Muqdisho iyadoo lasoo wariyay in dhaawacyo kala duwan ay geesteen madaafiicdaasi.
Bartilmaameedka Madaafiicda ayaa sida wararka nagu soo gaarayaan waxaa loo waday xarunta Madaxtooyada Villa Soomaaliya hayeeshe waxa ay ku dhaceen xaafado kamid ah Warta Nabadda.Ugu yaraan saddex ruux ayaa ku dhaawacmay markii siyaabo kala duwan madaafiicda ay ugu dhaceen guryo ay ku sugnaayeen,ilaa iyo iminka lama soo sheegin dhimasho ka dhalatay madaafiicdaasi.
Maamulka Degmada Warta Nabadda kama uusan hadlin arintani sidoo kale ilaa hada lama oga meesha laga soo tuuray.
Todobaad ka hor ayeey aheyd markii madaafiic sidaan oo kale ah laga maqlay Muqdisho kuwaasi oo Degmooyin kala duwan ku dhacay geestayna khasaarooyin.
SDN-Muqdisho