Madax kaSocota Xisbiga Ucid ee Uk oo ku Sii jeeda Somaliland kana Qayb Galaya Dorashada 28/11/12

London Nov 23/12(SDN)  Wafdi ka socda xubnaha uk oo ka mid yahay Siciid Cumar Axmed oo  ka asaasayaashii xisbiga  Ucid waxay  caawa ka ambabaxay magaaladan London isaga oo kusii jeeda Somaliland,Siciid Cumar waxa uu ka qayb qaadan doonaa doorashada degaanka ee ka dhici doonta bishan dabayaaqadeeda Somaliland,Waxa uuna rajo weyn ka muujiyey in Xisbiga Ucid uu soo bixi doono oo uu ka mid noqon doono sadexda urur siyaasadeed ee soo hadhi doona,Siciid oo safarkiisa ay ku weheliyeen qaar ka mid ah qurbajooga reer Somaliland ee dalkan degan oo uu ka mid yahay Agaasimaha HCTV ee Qaarada Yurub Siciid Suleeymaan oo hawlo shaqo ugu socdaalay Somaliland iyo Xoghayaha Maliyada ee Qarada Yurub Marwo  Ilhaan Xuseen Cumar oo sidasoo kale iyaduna ka qayb gali doonta doorashda golaha deeganka ee ka dhici doona Somaliland.

Siciid Cumar Axmed waxa uu ka mid yahay Asaasayashii ururka UCID mudo inbadan laga joogo waxa uuna rajo weyn ka muujiyey inay guuleysan doonaan,Waxa dhinaca kale uu kula taliyey dhamaan shacabka reer Somaliland inay nabadgalyada ilaaliyaan,una codeeyaan si cadaaladi ku dheehan tahay,kana watoobaan nin jeclaysi, Somaliland waxay maraysaa meel aad u wacan waxa loo baahan yahay in si qurux badan looga qayb qaato doorashada. Dhinaca kale waxa uu dawlada kula taliyey inay ka wantoobaan inay doorashada u isticmaalaan hantida dadweynaha.

 

Xamse Axmed Salaan

London