Soomaaliya: Khasaaraha ka dhashay dagaal ka dhacay gobolka Shabeellada Hoose

Lego 09, November 2012 (SDN)- Ilaa 4 qof ayaa ku dhintay, tiro kalena way ku dhaawacmeen dagaal Jimcaha maanta ka dhacay deegaanka Leego oo ka gobolka Shabeellada Hoose ee Koonfurta dalka Soomaaliya.

Siday sheegeen wararka laga helayo degaankaas, dagaalku waxa uu dhexmaray ciidanka dawladda Soomaaliya oo kaashanaya kuwa nabad-ilaalinta Afrikaanka ah ee AMISOM iyo maleeshiyaadka Al-Shabaab.

Warku wuxuu intaa ku daray, in ugu yaraan 4 qof oo ku dhintay ay ka tirsanaayeen labada dhinac ee dagaalku dhexmaray.

Wararka qaarkood waxay sheegeen in dagaalku bilaabmay markii ay maleeshiyaadka kooxda Al-Shabaab weerar ku qaadeen fadhiisimo ay ciidanka Milateriga Soomaaliya iyo kuwa AMISOM ku leeyihiin deegaanka Lego ee gobolka Shabeellada Hoose.

 

Qurbejoog.com, Muqdisho