Chelsea oo 5-4 Ku Karbaashtey Man United

Stamford Bridge-Nov 01,2012-qurbejoog.com-Saaxiibayaal qubanaheena ciyaaraha waxeynu ku jibaaxeynaa ciyaartii la wada sugayey ee Capital One Cup oo ay foodda isla galeen labada naadi ee ciilka isu qabey waa Chelsea oo dooneysa iney ka aar gudato Man United.

Hadaba yaan hadal kugu daaline ee bal aan dhexgalno ciyaarta,ciyaartan oo mar dhaweyd lagu kala qaxay ayaa waxaa ka soo qeybgaley dadweyne aad u farabadan iyo dabcan taageerayaasha waraabowga qaba ee labada dinac.

Akhyaartay ciyaatu markey bilaabantay iyo dhamaadkeedii ayaan waxaba la isu reeban xag farsamo,adkeysi,iyo kubad isu dhiib fiican,runtiina Chelsea waxaa ka muuqdey aar gudasho bacdamaa Man United hore uga badisey.

Saaxiibayaal ciyaarta qeybteedii hore daqiiqaddii 22-aad ayaa man united goolkii ugu horeyey waxaa ku farayareystey laacibka dada weyn (GIGGS) laakiin waxaa daqiiqaddii 31-aad u jawaabey Chelsea waxaana u saxeexey(LUIZ) fari kama qodna faanoole daqiiqadii 42-aad waxaa goolkii 2-aad Man United qalbiga ugu qaboojiyey (HERNANDEZ).

Qeybtii dambe markii la iskugu soo noqdey ayaad moodaa iney laban kooxood ku soo balamen iney isweydaarsadaan goolasha,daqiiqaddii 52-aad waxaa Chelsea ka farxiyey (CAHILL)ciyaartana ka dhigey 2-2.

Fardo la isu hayaa maxaa la isugu faanshaa,daqiiqaddii 59-aad Man-United waxaa goolkii seddexaad boodhka kaga jafey xiddiga reer bortuqaal ee NANI).

Haddaba daqiiqaddii 90+4- waxaa Chelsea godka ka soo saarey (HAZARD) oo ciyaarta ka dhigey 3-3,waxay Man-United goolasha hormartaba waxaa laga hormareydaqiiqaddii 97-aad waxaana dalaa dhacay (STURRIDGE) Kii shanaadna waxaa ku sagootiyey daqiiqadii 116-aad (RAMIRES) Mau United waxaa goor xeedhiyo fandhaal kala dhaceen goolkii afraad ku nafbaxay (GIGGS)

CHELSEA-5-MAN UNITED-4.

W/qorey Jaahuur

qurbejoognews.com