Abwaan Warsame Shire Cawaale oo kooxo hubeysan ay caawa Muqdisho ku dishay

Muqdisho Oct 30/12 (SDN) Allaha unaxariistee waxaa goor dhoweed oo caawa ay kooxo hubeysan ku dishay Degmada Waabari Abwaan Warsame Shire Cawaale oo ka tirsanaa Shaqaalaha Idaacada Maxaliga ee Radio Kulmiye.

Dilka Abwaan Warsame oo aan la ogeyn ujeedada ka dambeysa ayaa waxaa fuliyay kooxo bistoolado ku hubeysan iyagoo sida ay dadka degaanku sheegeen ay isla goobta ka baxsadeen daqiiqado ka dib waxaa goobta dilku ka dhacay gaaray ciidamada boliska degmada si ay u helaan dadkii dhagar qabayaasha falka dilka geystay.

Abwaan Shire ayaa dhalay fanaanada da,da yar ee ku soo caan baxday Heeska lagu magacaabo “Kampla adigaa i baday”

Abwaan Warsame Alle ha unaxariistee waxaa uu isna caan ku ahaa kaalintiisa Riwaayad maalin kasta ka baxday Idaacada Kulmiye oo dadka Soomaalida lagu wacyi galiyo.

 

QURBOJOOG.COM

Muqdisho