Shabaabka Kismaayo oo la jilciyay,duulaanka dhulka hortii

Kismaayo Sept 27,2012(SDN)-Ciidamada badda ee dalka Kiinya ayaa maalmihii u danbeeyay duqeymo la beegsanayay fadhiisimada ciidamada Shabaabku ay ku leeyihiin magaalo xeebeeda Kismaayo.

Duqeymadan ayaa u gogol xaadhaya duulan dhanka beriga ah oo mudaba la qorsheynayay.

Ciidamada Kiinya ayaa weeraradan duqeynta ah ku jilciyay dhufeysyo iyo fadhiisimo ay shabaabku ka sameysteen magaalada Kismaayo.

Shabaabka ayaa hore kolkeey ciidamada huwanta ahi ku soo dhawaadeen magaalada isaga baxay.

Maalmo uun ka dib ayayse dib ugu noqdeen magaalada iyaga oo u muuqda in ay goaansadeen in ay ku dagaalamaan guddaha.

Shacab faro badan ayaa isga hayaamay Kismaayo intii dhiilada colaadeed ay magaalada ku soo dhawaatay.

Dadka magaalada ku haray ayaa ah qaar hantidooda ilaashanaya iyo dad jilicsan oo wejihi kari waayay socod ay magaalada uga baxaan.

SDN-Kismaayo

contact@somalidiasporanews.com