Banaanbaxyadii lagu diidanaa Filmka lagu aflagaadeeyay Nebigeena Suuban oo Gaadhay Muqdisho

Muqdisho Sept14,2012(SDN)-Waxa maanta markii u horeeysay magaalada Muqdisho maanta ka dhacay banaabax looga soo horjeedo filmka lagu aflagaadeeyay diinta Islamka iyo rasuulkeena suuban NNKH.

Dibed baxan ayaa ahaa mid si nebedgelyo ah uga dhacay aaga km4 ilaa wadada dheer ee Maka Al Mukarama.

Dibed baxayaasha ayaa ku qelyayay erayo ka dhan ah aflaagada iyo ku gabashada xoriyatul qoolka iyo dimuqraadiyada.

Dibed baxyada oo ka bilowdey dalalka Carabta ayaa haatan ku sii baahaya dunida Islamka ka dib kolkii la baahiyay qeyb ka mid ah filmka.

Dawladaha Carabta iyo kuwa Islamka ayaan ilaa haatan la iman hab iyo hanaan la isku waafijin karo muujinta carada ka dhalatay filmkan iyo xoriyadaha reer galbeedku ku gabadaan kolka sidan oo kale ay dhacdo.

Dibed baxyada ayaa sidoo kale ku baahay dalalka Yemen,Sudan,meleysia,Lebnon,Tunisia, Bakistan,Iran iyo Afgaanistaan.

SDN-Muqdisho

contact@somalidiasporanews