Qurbejooga Beesha Dauud Gadhxajis oo bogaadiyay shirweynaha Daallo uga socda Beesha Siciid Garxajisiciid

London July 04,2012(SDN)-Qurbejooga Beelweynta Ciidegale(Dauud Garxajis) ayaa kulan dhanka isgaarsiinta ah oo ay yeesheen waxa ay gunaanadkiisii ka bogaadiyeen Shirweynaha buurta Daallo uga socda walaalahooda habar Yonis (Siciid Gadhxajis).

Kulankan oo ay ka qeybgaleen dhamaan qeybaha kala duwan ee Qurbejooga beelweynta Ciidegale ee ku sugan qaaradaha Woqooyiga America iyo Yurub ayaa si weyn loogu bogaadiyay Beesha Habar Yonis oo kulan taariikhi uga socdo buuraleyda Daallo.

Qurbejooga Ciidegale ayaa walaalahood ku habalyeey sida ay isula qaateen kulan ay aayahooda uga tashadaan.

Qurbejooga kulanka ku yeeshay dhanka Isgaarsiinta ayaa ku adkeeyay walaalhood in ay midnamadooda xoojiyaan.

Waxa kale oo ay sheegeen in Somaliland oo idili ay ka dhur sugayaan in kulankooda uu ka soo baxaan goaamo wax ku oola oo dalka iyo dadkaba u dan ah.

Ugu danbeyntiina waxa ay ku baaqeen in kulnkan ka xiga la balaadhiyo oo ay ka wada qeybgalaan dhamaan tafiirta Ismaciil Sheekh Isxaaq.