Taliye ku-xigeenkii ciidamada Booliska Puntland oo caawa Garoowe lagu khaarijiyay

Garoowe July 02,2012(SDN)-Taliye ku-xigeenkii ciidamada Booliska ee maamulgoboleedka Puntland  Col. Cabdillaahi Saalax Nadalo ayaa caawa fiidkii koox hubeysani ku dishay magaalada Garoowe.

Taliyaha oo ku sugnaa aaga hotelka Bulshaale ayaa koox hubeysani marxuumka ku weerareen oo ku dileen.

Marxuum Nadalo oo aan ilaalo la socon xiliga la weerarayo ayaa ku geeriyooday isla goobtii lagu rasaaseeyay.

Ciidamada amniga ee Maamul goboleedka Puntland oo goobta soo gaaray xili dableydii taliyaha dishay ay goobta ka yaacday ayaa haatan wada baaritaano.

Maamulka Puntland iyo meliishaadka falkan dilka ah geystay ayaan labaduba wax war ah dhacdada ka soo sarin.

SDN-Garoowe

contact@somalidiasporanews.com