Qabanqaabada xafladda daahfurka urur siyaasadeedka Xaqsoor oo si weyn looga dareemayo Ottawa

Ottawa June 19,2012(SDN)-Waxaa magaalada Ottawa si aad ah looga dareemayaa qabanqaabada xafladda daahfurka urur siyaasadeedka Xaqsoor. Xafladaaso la qaban doono July 14 (Ben Franklin Place) ayaa waxaa ka soo qeyb geli doona marti sharaf badan oo ay ka mid yihin aqoonyahano taariikh iyo maamuus badan ku leh dalka iyo dadkaba. Sidoo kale waxa faagaraha xaflaadaas cudud wayn ka muujin doona golaha dhalinyarada ee Xaqsoor Canada.

Waxaa marag ma doon ah inuu Xaqsoor mudada kooban ee uu jiray uu si buuxda u hanaystay kalsoonida beelweynta Somaliland ee degen Ottawa, tasoo run ahaantii ku salaysan taariikh nololeedka sharah leh ee Muj Xasan Ciise Jaamac.

Xaqsoor Canada wuxuu kaloo ogaysinayaa dadweynaha degen Canada iyo dunida dacalaheeda in uu todobaadkan dhamaantii uu  furi doona mareegtada xaqsoor.ca.

SDN-Ottawa

contact@somalidiasporanews.com