Xidhiidhka Ciyaaraha Fudud ee Somaliland oo soosaaray wargelin ku saabsan qabashada tartanka Orodka 10 KM ee degmooyinka Hargeysa

Hargeysa 26, May 2012 (Qurbejoog.com)- Xidhiidhka ciyaaraha Fudud ee Somaliland, ayaa muddeeyay xilliga la qaban doono tartanka Orodka 10-ka Km ee degmooyinka caasimadda dalka ee Hargeysa.

Sida lagu sheegay qoraal uu soosaaray Xoghayaha xidhiidhka Ciyaaraha Fudud Mr. Mustafe Cabdi Xaddi, tartanka Orodka waxa ka qaybgalaya orodyahanadii ka soo baxay tartankii isreeb-reebka ee shanta degmo ee caasimadda Hargeysa ka kooban tahay, wuxuuna qoraalkaas wargelinta ahi u dhignaa sidan; “Waxaan ogaysiinaynaa dhammaan shanta degmo ee caasimadda ee ka qaybgashay tartankii orordka ee is-reeb-reebka ahaa ee ka soo baxay 20-kii qof ee ugu horreeyay, in tartanka orodka ee (final)-ka la qabanayo 1/06/2012 oo ku beegan maalin Jimce ah.
Haddaba, waxa la ogaysiinayaa dhammaan degmooyinka u taagan final-ka inta tartanka ka hadhayna ay tababarka sii sameeyaan.”

Qurbejoog.com, Hargeysa

editor@somalidiasporanews.com