Burcad Soomaali ah oo qabsatay markab hor leh

Marka May 23, 2024 (QJ) -Burcadbadeeda Soomaalida ayaa gacanta ku dhigay markab xamuul oo lagu magacaabo Basilisk (General Cargo Ship, IMO 9539377).

Markabkan oo ka babanayey calanka dalka Liberia ayaa ku sii jeeday dekedda Khaliifa ee dalka Imaaraadka Carabta, isagoo ka soo ambabaxay dekedda Porto Grande ee ku taalla magaalada Cape Verde ee galbeedka Afrika.

Xiliga la weeraray markabkan ayaa qiyaastii 400 nautical miles (742 km) koonfur galbeed kaga beegan magaalada Marka ee gobolka Shabeelaha Hoose.

Sida la sheegay, 17 shaqaale ah ayaa la socda oo isku xiray qolka amniga ee markabka, halka burcad-badeedda ay la wareegeen gacan ku haynta qolka laga hago markabka iyaga oo jaray isgaarsiintii markabka.

markabku waa markab xamuul oo ay maamusho MINSHIP Shipmanagement oo Jarmalka laga leeyahay.