Somaliland oo lagu dafirtay in ay khalkhalisay hawada Soomaaliya

Hargeisa February 14-Somaliland ayaa beenisay inay khalkhal galisay hawada Soomaaliya, iyadoo ku tilmaantay war ka soo baxay dowladda Soomaaliya mid been abuur ah.

War-saxaafadeed ka soo baxay maamulka hawada Somaliland ayaa taa beddelkeeda lagu eedeeyay dowladda federaalka Soomaaliya inay ka dambeyso arrintan oo ay qaaday tallaabooyin mas’uuliyad darro ah.

Hadalkan ayaa jawaab u ah wararka sheegaya in dowladda Soomaaliya ay sheegtay in diyaarad ku socdaaleysay hawada Soomaaliya laga siiyay war qaldan oo ku saabsan Hargeysa, taasoo jahawareer ku keentay diyaaradda ka hor inta aan Muqdisho laga hadlin.

Hadalkan ayaa imaanaya maalin un kadib markii hay’adda Qaramada Midoobay u qaabilsan duulista hawada ee ICAO ay kulan Zoom la yeelatay madaxda Soomaaliya, waxayna ka codsadeen inay jawaab degdeg ah oo faahfaahsan ka bixiyaan fowdada ka taagan hawada Soomaaliya. .

Sida la shaaciyayna hay’adda ICAO oo heshay cabashada diyaaradihii shalay hakadka galay iyo warqad ay u dirtay diray Somaliland ka dib ayaa la waydiiyey Somalia in ay tafaasiil ka bixiso waxyaabaha u soo kordhay nidaamka maamulka hawada iyo khalkhalkii dhacay.