Isimada Puntland oo sheegay in xildhibaanada Dhulbahante lagu darin Baarlamaanka

Garoowe December 30, 2023 (QJ) -Isimada dhaqanka ee Puntland ayaa go’aan ku gaaray in xildhibaanada maamulka SSC-Khaatumo laga reebo baarlamaanka cusub ee Puntland. Go’aankan ayaa shalay lagu dhawaaqay, waxaana ka mid ah in maamul goboleed gaar ah loo sameeyo gobolada SSC-Khaatumo.

War saxaafadeed ay soo saareen odayaasha ayaa lagu sheegay in 49 xubnood oo kaliya lagu saleyn doono baarlamaanka cusub ee Puntland, kuwaasoo loo xilsaaray inay doortaan madaxweynaha Puntland iyo ku xigeenkiisa.

Go’aankan ayaa waxaa ka dhashay diidmo weyn, gaar ahaan Madaxweyne Siciid Cabdullaahi Deni, oo dhawaan qoraal uu soo saaray ku sheegay inuu doonayo in mar kale dib loo doorto, wuxuuna ku baaqay in xubnaha SSC-Khaatumo lagu soo daro hannaanka soo xulista baarlamaanka.

Dhinaca kale Madaxweyne ku xigeenka Axmed Karaash ayaa isna dhankiisa sheegay inuu taageersan yahay in xubnaha metela Khaatumo laga saaro baarlamaanka Puntland, isagoo sheegay inuu taageersan yahay maamul gaar ah oo loo sameeyo SSC-Khaatumo.

In qabiilo ama gobollo gaar ah laga reebo geeddi-socodka siyaasadda, waxay sii xumeyn kartaa khilaafyada jira, waxayna adkeyn kartaa dadaallada Puntland loogu dhisayo haykal dowladeed oo xasilloon oo loo wada dhan yahay.