Colaada Qasa oo sii korortay iyo xabadjoojintoo oon dhaqangelin

Gaza December 23, 2023 (QJ) -Duqeymaha ay diyaaradaha Israa’iil ka geysanayaan marinka Qasa ayaa sii xoogeystay shalay galab, iyadoo la sheegayo in duqeymo xooggan ay socdaan.

Duqeymo cirka ah oo Israel ay la beegsatay xerada qaxootiga ee Nuseirat ayaa sababay dhimashada ugu yaraan 18 qof, sida ay sheegtay warbaahinta Falastiin.

Dadka deggan xaafad kale oo lagu magacaabo Bureij, ayay ciidamada Israa’iil ku wargeliyeen inay u guuraan dhanka aagga koonfureed, maadaama ay xoojiyeen hawlgallada dhulka ah.

Magaalada New York, Golaha Ammaanka ee Qaramada Midoobay ayaa ansixiyay qaraar ku baaqaya in xabbad joojin laga dhaqan geliyo Gaza.

Si kastaba ha ahaatee, xaaladda ayaa weli ah mid halis ah, iyadoo laga walaacsan yahay in ay adag tahay in si degdeg ah dagaalka loo joojiyo, marka loo eego xiisadda colaadeed ee sii korortay.