Ciro oo Dhaawicii laascaanood lakulamay Biixi na uga digay colaadaha Laascaanood

Hargeysa January 20, 2023 (QJ) – Musharaxa xilka Madaxweynaha ee xisbiga Waddani ayaa manta cisbitaalka Manhal ee magaalada Hargeysa ku booqday Rooda Cabdikariin Aadan Warsame oo ka mid aheyd dadkii ku waxyeeloobay rabshadihii dhawaanta ka dhacay magaalada Laascaanood.

Musharaxa oouu weheliyay Guddoomiyaha Waddani Xersi Cali ayaa Rooda iyo waalidkeedba uga waramay sida ay uga xun yihiin sida dawlada u maareysay rabshadaha.

Musharax Ciro ayaa dawlada mudo xileedkeedu dhamaaday ee Somaliland ugu baaqday in aaney siii wadin in ay xoog ku muquuniso shacabka gadoodsan balse ay la timaado xal nabadeed oo loo daba fariisto masuuliyiinta iyo dadka degaankaa.

Ciidamada Somaliland ayaa dad shacab ahaa oo ka gadoodsanaa dilal loogeystay haldoorka Laascaanood xabad ku muquunisay isla markaa dishay in ka badan labaatan ka mid ahaa shacabkii mudaharaadayay.