Ilhaan Cumar oo xaflad lagu soo dhaweeyay

Muqdisho December 27, 2022 (SD) – RW Soomaaliya Xambse Cabdi Bare ayaa munaasibad soo dhaweyn ah xalay ku casuumay xildhibaanad Ilhan Cumar oo ka tirsan aqalka Wakiilada Mareykanka.

RW Xamse ayaa Ilhan ku amaanay karti uu sheegtay in ay guulo uga soo hoysay siyaasada Mareykanka, isla markaana ay tusaale fiican u tahay qurbejoogta Soomaalida.

Xildhibaanad Ilhaan oo Iyana goobta ka hadashay ayaa ka mahadcelisay soodhaweynta isla markaana Xukuumada Soomaaliya ku amaantay guulaha degdega ah ee ay ka gaartay ladagaalanka Al Shabaab.

Ilhaan cumar ayaa safar ay Puntland ka soo bilowday ku jogta Soomaaliya, waxaana lagu wadaa inay u sii gudubto degaano kale oo Kismaayona ka mid tahay.