Soomaaliya oo Carabta cawimo ka dalbatay

-Wasiirka Warfaafinta Soomaaliya Daauud Aweys Jaamac ayaa dalalka carabta ka dalbaday in ay taageeraan dagaalka dawladiisu kula jirto kooxda Al Shabaab, Wasiirka ayaa hadalkan ka sheegtay shir dalalka carabtu isugu yimaadeen oo ka dhacay dalka Liibiya.

Dalalka carabta oo aan dalabka Soomaaliya ka soo jawaabin, ayuu wasiirka ka digay in aaney shicibkoodu rumeysan wararka ay Shabaabku faafiyaan. Wadamada carabta iyo kuwa islaamka qarkood wax lagu eedeeyaa in ay taageero aan toos aheyn siiyaan dagaalyahanada Al Shabaab.

Soomaali badan ayaa qabta in dalalka Carabta iyo kuwa Islaamka aaney doorkoodii ka ciyaarin dib u soo celinta dawladnimada dalka, iyaga oo marar badan taageera tilaabooyin kal qeybin iyo colaado u horseeday dalka.