Al Shabaab oo laga saaray gobolka Shabeelaha Dhexe

Mogadishu December 21, 2022 (QJ) – Ciidamada Dawlada Soomaaliya ayaa sheegtay in ay manta la wareegeen degmeda Ruun-Nirgood ee Sh/belaha dhexe oo ah degaankii u danbeeyay ee ay al Shabaab gobolkaa kaga sugnayeen.

Howlgalkan lagula wareegay Ruun-nirgood ayaa waxaa xaqiijiyay Korneel Saney Cabdulle oo ah taliyaha guutada 4-aad, ee Ciidamada Xoogga dalka Soomaaliyeed.

Ciidamada dowladda iyo kuwa macawisleyda ayaa la sheegtay in ay haatan howlgallo ka wadaan daafaha degmada Ruun-nirgood ee gobolka Shabeelaha.

Al Shabaab ayaan ka hadal sheegashadan u danbeysay ee ciidamada dawlada.