RW Xamse oo Kacdoon la beegsanaya Musuq- maasuqa

Muqdisho December 18, 2022 (QJ) -Ra’iisul Soomaaliya Xamse Cabdi Barre oo maanta ka qaybgalay munaasabad lagu xusayay Maalinta Caalmiga ah ee La-Dagaallanka Musuq-maasuqa, ayaa ku dhawaaqay kacdoon lagula dagaalamayo Musuq-maasuqa si sare loogu qaado hufnaanta iyo isla-xisaabtanka.

Raysal wasaaraha Soomaaliya Xamse Cabdi Barre ayaa sheegay in Xukuumaddiisa dhisi doonto hay’adaha iyo shuruucda ladagaalanka Musuq maasuqa ayna ka go’an tahay ciribtirka Musuq maasuqa.

Raysal wasaare Xamse ayaa hoosta ka xariiqay in uusan jirin cadaw ka weyn Musuq maasuqa marka laga reebo kooxda Shabaab oo ay hada xukuumadda dagaalka kula jirto.

RW Xamse ma soo bandhigin wax qorshe ah oo lagula dagaalamayo musuqa, dawladihii isaga danbeeyay ayaan ebid soo bandhigin wax qorshe ah oo arinkan looga qabanayo.

Sida ay shaacisay hay’adda Transparency International dhawaan Soomaaliya ayaa ah dalka ugu musuqa badan dunida