Qaybtii Labaad: Goosha Libaaxa Iyo Qaabka ay u Difaacdo Caga Baruuryadeeda, Iyada Oo Dhibaato La Maraysa & Xiisaha Ku Lamaan DAAWO

Hargaysa 20. June 2017 (SDN/QJ):- Hadiiba uu ka baqtiyay Aarkii, Gooshii iyo cagabaruuryadiina waxaa soo wajahday dhibaato hor leh oo noloshooda ku aadan, waxay ogtahay, in dhasheeda laga dilayo, hadii ay isla goobtii ku sii sugnaato, waxayna u carartay dhanka Jaziiradda Duba, laakiin iyadda iyo dhasheedii waxay hadana mar kale la kulmeen dhibaato kale oo ka darin midi hore, midaasi oo kaga timid Yaxaas magafe ah, iyo Lo Gisyeedyo aan dad iyo duunyo u turin oo ku durduriya waxay arkaanba.

Goosha hooyadda ah waxbaa ku taagnaa, waxay habeen iyo maalin dadaal ugu jirtaa sidii ay dhasheeda ugu heli laheyd wax ay cunaan, laakiin intaas in dhowr ah waa ay u suura gali wayday maxaa yeelay waxa kaliya ee Jaziiradda Duba yimaada waa lo’gisiyeedyadda, iyagaasina ma ahan kuwa si fudud loo qabsan karo ama oo ugaarsan karo.