Ciidamada AMISOM oo ka baxay deegaan hoostaga Baraawe iyo Al Shabaab oo la wareegtay

Baraawe — Wararka ka imaanaya magaalada Baraawe ee Gobolka Shabeelaha hoose, ayaa sheegaya in Ciidamo ka tirsan Midowga africa ee Amisom ay isaga baxeen deegaan hoostaga magaalada Baraawe.

Ciidamada ayaa ka baxay Tuullada Wareer-male oo ku dhow Magaalada Baraawe, waxaana la sheegayaa in halkaasi ay si nabad ah ula wareegen Dagaalyahaano ka tirsan Al-shabaab oo ku sugnaa meel aan sidaa uga sii fogeyn Tuullada.

Tuullada ay ka baxeen ciidamada Amisom ayaa ahmiyad gaar ah u laheyd Alshabaab waxa ayna isku xirtaa Baraawe iyo Buulo-mareer.

Ciidamada Amisom, gaar ahaan kuwa Ugandha ayaa maanta halkaasi kala baxay dhamaan agabkooda.

Talaabadaan ayaa ku soo aadeysa xili maalmihii ugu danbeeyay ciidamada Kenya ka baxayeen Degmooyin iyo deegaano hoos taga Gedo iyo Jubooyinka.