War Deg Deg ah:Dagaal Khasaare Geystay Oo Goor Dhaweyd Ka Qarxay Gudaha Magaalada Taleex Iyo Tirada Dhimashada
Taleex:April,21,2015(SDN/QJ)-Wararka laga helayo Magaalada Taleex ee Xarunta Gobolka Xaysimo, ayaa sheegaya in dagaal laba beelood u dhexeeyaa uu halkaas ka qarxay, iyadoo khasaare dhimasho iyo dhaawac ahina ka dhashay.
Warku waxa uu intaas ku darayaa in Dhimashada ilaa iyo afar qof oo labadii dhinac ahi ay jiraan, halka Dhaawacuna uu yahay tiro ku dhaw Toban qof.
Sida uu Guddoomiyaha Gobolkaas Mudane Cabdirashiid uu u sheegay warbaahinta Dawladda Somaliland, waxa Labada dhina isku adeegsadeen Gaadiidka Dagaalka ee Culculus oo ay marki horeba Gacanta ku haysteen, waxana uu qiray inay Maamul ahaan ku guuldarraystaan inay labada dhinaca kala dhex galaan.
Dagaalka ayaa ilaa iyo haatan socda, waxana aan jirin cid ukala gurmatay, iyadoo Gurmadkooduna iskaga imanayo meelaha Beelahaasi degaan.
Sababta dagaalkan ayaa sida Guddoomiyuhu soo jiitamaysay, waxana shalay dhaawac la gaadhsiiyey Hal nin oo beel ahaan kasoo jeedaa, taas oo keentay in beeshii kalena ay Weerar soo qaadaan.
Deegaanada ka fog Caasimadda Hargeysa iyo Magaalooyinka kale ee Waaweyn, ayaa Dagaallada Beeluhu inta Badan ka dhacaan, waxana bata khasaaraha Nafeed ee ka dhasha.
SDN/QJ