“Mucaarad Ahaan qalinka uu kor u qaado Madaxwayne Siilaanyo Anaga ayuu wax Nootarayaa Oo waanu nasanay oo waanu u Mahad Naqaynaa odayga.”Xil. Tukaale.

Hargaysa:Mar,16,2016(SDN/QJ)-Xildhibaan Bashiir Tukaale oo kamid ah Mudanayaasha aqalka Wakiillada Somaliland, ayaa si adag uga hadlay  magacaabistii madaxweyne Siilaanyo dhawaan Maayarkii Gabiley kaga dhigay Wasiirka Warshada, waxana uu tilmamay Shacabka Reer Gabiley ka raysan doonaan Maayarkaas hore.

Xildhibaanka oo ka Hadlaya Arrinta Maayarka Gabiley iyo Iscasilaadii Wasiir Samaale, ayaa Hadalkiisa ku bilaabay,

“Waan Maqlay in Wasiir loo Magacaabay Maayarkii Gabilay,Barigii horena Riyaale ayaa meel uu ka soo helay mooyaane soo helay,toban cisha ayuu magacwnaa oo kuwii is casilay ee meel dhabarka laga taabtay ayuu ahaa,Maantana dawlada sii dhacaysa oo wakhtigeedii dhamaaday ayaa loo Magacaabay wasiir,Gabiilayna Balaayo ilaahay Soo dhaafiyay Ayuu ahaa.”.

Xildhibaan Bashiir Tukaale waxa uu sheegay inay Mucaarid ahaan ka faa’iideen Qalinka Madaxweynaha, isla-markaana ay  badan ka dheefeen,

“Reer gabiilay way nasiib badan yihiin,Dalkiina waad arkaysaan waa saqdii dhex ayuunbaa la soo saarayaa digreeto,anaguna Mucaarad Ahaan waanu Nasanay oo qalinka uu kor u qaado Madaxwayne Siilaanyo Anag ayuu wax Nootarayaa Oo waanu nasanay oo waanu u Mahad Naqaynaa odayga.” Ayuu yidhi Xil. Tukaale.

Xildhibaan Bashiir Tukaale waxa uu sheegay in Ay naqaysanayaa Inta xukuumada ka soo baxdaba Muhiimadana Raaci Doonaan iyo Raga Miisaanka Culus leh, waxana uu yidhi.

“Walaahi Hortu Ragan waanu naqaysanaynaa oo Cidii Aanu u aragno in ay xisbiga wax u tarayso waanu qaadan doonaa,kii aanan wax tar u arkina qaadan mayno,Samaale Kulmiye Markay soo baabiiyaan  ayay go’aan kooda qaadan doonaan hadii ale yidhaah.”

 

SDN/NQ

timo@qurbejoog.com

Contact@somalidiasporanews.com