Shirweynihii Heer Qaran ee Dhallinyaradda Xisbiga Waddani oo Hogaan Cusub Goor dhawayd doortay

Hargeysa:Mar,15,2015(SDN/QJ)-Guddoomiyaha iyo Kuxigeenka Garabyada dhallinyarada Heer Qaran, ayaa saaka lagu kala hagaagay, kadib shirweyne ka qabsoomay Huten Mansor Hutel ee Magaalada Hargeysa.

Madasha uu ka dhacayey Shirweynaha Heer qaran ee Garabka dhallinyarada Xisbiga Waddani, ayaa ay Goob Joog ka ahaayeen Hoggaanka sare ee Xisbiga Waddani iyo waliba Ergooyinka ka kala socday Gobollada iyo Degmooyinka waddanka, waxana Halkaas Guddoomiyaha Garabka dhallinyarada loo cumaamaday Wiil ka socday Gobolka Badhan.

Ku-xigeenka ayaa loo doortay Gabadh dhallinyaradaas kamid ah oo magaceedu yahay Eng. Saynab Axmed oo firfircooni badan muujisay.

Wiilka loo doortay Guddoomiyaha Heer qaran ee Garabka dhallinyarada Xisbiga waddani ayaa ah Md.Maxamuud Cabdilaahi Cabdi oo hore uga mid ahaa dhallinyarada firfircoon ee Xisbiga waddani.

Dhanka kale waxaa halkaasi iyaduna si aqlabiyad ah loogu doortay hogaanka garabka dhalinyarada heer qaran ee xisbiga Waddani oo kala ahaa.

 

Maxamed Cali Yuusuf oo loo doortay hogaanka maaliyada, waxaana uu ka socday gobalka Maroodi-jeex.

Farax Cabdi Dhoobaale oo iyadana loo doortay hogaanka xidhiidhka ardayda jaamacadaha, kana socotay gobalka Maroodi-jeex.

Cabdisalaan Axmed Cali, waxaa isna loo doortay hogaanka qorshaynta, kana socday gobalka Salal.

Siciid Jaamac Cali, isna waxaa loo doortay hogaanka abaabulka iyo war-gelinta, kana socday gobalka Togdheer.

Cali Yuusuf Axmed, waxaa isna loo doortay hogaanka xidhiidhka laamaha dibada, kana socday gobalka Sool.

Aftax Siciid Jaamac. Waxaa isna loo doorta xoghayaha garabka dhalinyarada heer qaran ee xisbiga Waddani, kana socday Maroodi-jeex.

Yaxye Boqor Axmed, isna waxaa loo doortay ku xigeenka xoghayaha garabka dhalinyarada heer qaran, kana socday gobalka Maroodi-jeex.

Maxamed Sidiiq Cabdilaahi, waxaa isna loo doortay afhayeenka garabka dhalinyarada heer qaran ee xisbiga Waddani, kana gobalka Saaxil.