Jilaa Caan ka Ahaa Hollywood-ka Oo Ku Dhaawacmay Shil Diyaaradeed
Los Angles:Mar,07,2015(SDN/QJ)-Jilaaga caanka ah ee sameeya Aflaanta Shirkada Hollywood Harrison Ford, ayaa ku dhaawacmay shirl diyaaradeed oo uu gacantiisa ku galay.
Jilaagan ayaa la dhigay Cisbitaal ku yaalla Magaalada Los Angles, waxana la sheegayaa in lala tacaalayo xaaladiisa caafimaad ee xilligan.
Harrison Ford oo 72-jir ah ayaa duuliye ahaa muddo badan, waxaana uu mar walba jeclaa inuu wado diyaaradaha yar yar ee halka matoor leh,
Diyaarada ayaa intii ay hawada ku jirtay ay cilad soo wajahday, waxaana ay qasab ku noqotay inuu si deg deg ah ku soo dejiyo, waxaana si lama filaan ah uu ku soo dejiyay garoon lagu ciyaarayay ciyaaraha loo yaqaano Golf.
Akatarkan ayaa waxaa uu dhaawac ka soo gaadhay wajiga, waxaana warar kale ay sheegayaan in dhabarka iyo lugaha ay wax ka gaadheen, inkastoo uu miyir-qabay, markii dhaawiciisa laga qaadayay goobta diyaaradu ku bur burtay,
SDN/QJ
Contact@somalidiasporanews.com