Hadhaagii iyo Maydadkii Saarnaa Diyaaradii Burburtay Air Asia oo la Helay

Java 31.Dec 2014 (SDN/QJ)- Kadib Baadigoob aan loo kala hadhin oo lagu qaaday Diyaaradii la waayey ee ay Lahayd Shirkadda Air Asia, ayaa waxa soo baxay Warar sheegaya in Hadhaageedii haatan la helay.

Ciidamadii Baadhitaanka waday, ayaa sheegay in Maanta oo salaasa ah la helay Burburka Diyaaradaas iyo waliba Tiro meydad ah oo rakaabkii saarnaa ah.

Gudiga dowladda Indonesia u qaabilsan baadi-goobka diyaaradaasi oo ay lahayd shirkada AirAsia ayaa xaqiijiyay in Ugu yaraan 40 meyd laga helay bada Jasiirada Java ee dalka Indonesia.

Diyaarada Air Asia duulimaadkeeda QZ8501 ayaa la waayey Axadii lasoo dhaafay kadib markii ay kasoo duushay Airporka Surabaya ee dalka Indonesia waxayna ku sii Jeeday Magaaladda Change ee dalka Singapore.

Diyaaradda ayaa waxaa saarnaa 162 qof oo 155 kamid ah ay ahaayeen Rakaab halka laba ahaayen Duuliyayaashii diyaaradda iyo shan shaqaale kale ah, waxaana la sheegay in weli aan la helin qeybihii kale ee burburka diyaarada oo weli la baadigoobayo.

Baadigoobka diyaaradda ayaa waxaa ka qayb qaadanaya Saraakiil katirsan dowladda Mareykanka oo sheegay in codsi uga yimid dowladda Indonesia.