Qaraxyo iyo Weerarro Xalay Lagu Qaaday Magaalada Wajeer, Dhimasho Iyo Dhaawac Ka Dhashay
Wajer:Dec,02,2014(SDN/QJ)-Fiidkii hore ee Xalay waxay ay kooxo Hubaysan oo aan la aqoonsanini Bambooyin iyo rasaas ku weerareen Goob lagu caweeyo oo ku taalla Magaalada Wajeer ee Waqooyi bari dalka Kenya.
Wararka Hordhaca ah ee weerarkaas laga helayo, ayaa sheegaya in ugu yaraan uu Hal qof ku geeriyooday, halka ay tiro kale oo shacab ahina ku dhaawacmeen sida ay sheegayaan wararka laamaha ammaanka laga helayaa.
Goobta lagu caweeyo waxaa lagu weeraray saddex qarax iyo rasaas, taasi oo sababtay dhaawacyada iyo dhimashada dadka soo gaadhay.
Kooxaha weerarka geystay ayaa u muuqday kuwo doonayay inay badhtilmaameeyd ka dhigtaan shaqaalaha baarka kuwaasi oo ka imanaya deegaano ka baxsan magaalada Wajeer ee dalka Kenya.
Ma jirto cid sheegatay ilaa iyo hadda inay ka dambeysay weerarka ka dhacay magaalada Wajeer ee dalka Kenya.
Labadii todobaad ee lasoo dhaafay Alshabaab ayaa ku dhawaad 35 ruux ku dilay weeraro kala duwan oo ay ka geysteen dalka Kenya, waxaana aad loo hadal hayaa dilkii loo geystay 28 ruux oo la socotay gaadhi kusii jeeday magaalada Nairobi.
SDN/QJ