Salaadiinta Beesha Gudoomiye Cirro oo ka hadlay Go’aankii Golaha Guurtida ee Maaraynta Khilaafka Wakiilada DAAWO

Hargaysa 23.Nov 2014 (SDN/QJ)- Salaadiinta Gobolada Togdheer,Sanaag,Saaxil iyo Hargaysa oo Shir Jaraa’id ku qabtay Huteel Ambassador ee Magaalada Hargaysa ayay ku hambalyeeyeen Go’aankii Golaha Guurtidu ka soo saaray Khilaafkii Golaha Wakiilada.

Salaadiinta Madashaasi ka hadlay oo ay ka mid ahaayeen Suldaan Maxamed Suldaan Xirsi Qani,Suldaan Cismaan Suldaan Cali Madar,Suldaan Yuusuf Muxumed Xiiray,Ugaas Xuseen Geele Abokor,Suldaan C.raxmaan C.laahi Aw Good,Suldaan Saleebaan Boqor Cismaan Xasan iyo Suldaan Mahad Maxamud Xirsi oo dhamaantood halkaasi ka hadlay ayaa soo dhaweeyay Go’aankii Golaha Guurtidu ku soo afjareen Khilaafkii Golaha Wakiilada .

Waxaa kale oo ay Madaxweynaha uga mahadceliyeen Sidii uu u soo dhaweeyay iyo qaabilaadii uu  ugu sameeyay Qasriga Madaxtooyada waxay Salaadiintani iska daba mareen Sida ay waajib u tahay in la suuliyo wixii Muran ku keenaya dalka.