Shakhsiga Qoor ka Goynta iyo Garwaca u qaabilsan Kooxda Daacish oo la Aqoonsaday

London 27.Sep 2014 (SDN/QJ)- Waa nin ka tirsan kooxda isku magacwday Khilaafada Islaamiga ah ee Daacish ama ISIS, oo isaga oo ku lebbisan dhar madow ka soo muuqday muuqaallo muujinaya lahaystayaal qoorta laga jarayo ama la gawracayo.

Waxa uu kasoo muuqday muuqaallo Video ah, kuwaasoo muujinaya labadii Weriye ee Mareykanka ahaa, James Foley iyo Steven Sotloff oo qoorta laga jarayo iyo weliba qoor ka jaraddii David Haines oo ahaa Samafale u dhashay Britain.

In kasta oo ay hay’adda dembi baarista ee Mareykanka ay ka gaabsatay sheegida magaca iyo dalka uu u dhashay ninkaasi, ayaa haddana mas’uuliyiin ka tirsan dowladda Britain waxa ay sheegeen in uu u egyahay qof British ah.

Waxa ay u muuqaataa in muuqaalada argagaxa badan ee uu soo bandhigtay ururka la magaca baxay Khilaafada Islaamiga ah, ay gacan ka geysteen taageerada loo hayo duqeynta cirka ah ee lagu bilaabay.

Balse duqeymahaasi ayaa la rumeysan yahay in ay mudo qaadan doonaan, maadaama uu ururka hadda gacanta ku hayo dhul ballaaran oo ka tirsan Ciraaq iyo Suuriya.

London SDN/QJ

contact@qurbejoog.com