Gudoomiyaha Xidhiidhka Kubadda Cagta Talyaaniga ee (FIGC) Carlo Tavecchio oo Badhitaan Ku Socdo Maxaa Lagu Suusey?. By Jaahuur.

Rome-21-Aug-2014-(SDN/QJ) Akhyaartay qormadeena ciyaaraha waxaynu ula firdheynaa xagaa iyo carigaa talyaaniga mar uu gudoomiyaha xidhiidhka kubadda cagta ee FIGC Tavecchio oo aflagaadooyin afkiisa ka soo burqadeen.

71-jirkan Carlo Tavecchio oo u olaleynaya doorasho mar uu khudbad jeedinayey waxa afkiisa ka soo yeedhey in ciyaartooyda Afrikaanka ah (In muus cunayaal yihiin).

Tavecchio wuxuu doorashada kaga adkaadey xiddiggii khadka dhexe uga ciyaari jirey Ac Milan Demetrio Albertini.

Baadhitaankan oo ku saleysan xagga dhaqanka iyo anshaxa ayaa UEFA u saartey guddi ka soo baraandegta.

Tavecchio ayaa raalingalin ka bixiyey cusurinimada iyo aflagaadada ka soo baxaxdey afkiisa mar uu kulan la yeeshey madaxda horyaalada heerka hoose.

Haddaba ma aha markii ugu horeysey ee madaxda,tabarayaasha,ciyaartooyda iyo wixii ku hawlan ciyaaraha qaarkood afkooda ka butaacaan aflagaadooyin cusurinima ah.

W/qorey Jaahuur

SDN/QJ

jjaahuur@qurbejoog.com.