Ururka YES-Sports Oo Qalab Kala Duwan Soo Gaarsiiyay Bahda Ciyaaraha, Agoomaha Kaalmo iyo Suxufiyiinta Gobolka Awdal

Hargeisa 20/8/2014 (SDN/QJ) Ururka YES-Sports ayaa maanta deeq qalabka ciyaaraha ah soo gaadhsiiyay wasaarada ciyaaraha ee gobolka Awdal , Wasaarada Warfaafinta ee gololka, xarunta agoomaha Kaalmo iyo Dugsiga Sare ee GEB, waxana qalabkan oo ka koobnaa diraysyada ciyaarahaha kala duwan, Garamo, Kabaha Kubada Cagta iyo Kolayga, Qalabka Dabaasha, qalabka tababarka ee ciyaartoyga,Boorsooyinka ay suxufiyiintu isticmaalaan iyo agabka kale ee dugsiyada loogu talo galay in la gaarsiiyo degmooyinka Boorama, Boon, Qulujeed iyo Lughaya.

Munaasabadii lagu wareejinayay qalabkan oo ka dhacday hoteelka Haldoor ee magaalada Boorama ayaa waxa ka hadlay md. Cabdi Idiris Axmed oo qalabkan lagu soo hagaajiyay waxana uu yidhi “Waxa ay deeqdan ciyaareed ee aan maanta gudoonsiinayno cidii loogu talo galay ka timid Ururka YES-Sports ee fadhigiisu yahay dalka Holland