Gaadhi Tikniko ah oo ka Soo Goostay Cali Khaliif Galaydh oo Ku Soo Biiray Ciidanka Qaranka

Hargaysa 03.Aug 2014 (SDN/QJ)- Waxaa Maanta isu soo dhiibay Ciidamada Qaranka ee Kala Baydh oo ka Tirsan Degmada Laascaanood Gaadhi Tikniko ah oo uu Madafac Saaran yahay,kaas oo ka soo Goostay Kooxaha Nabad diidka ah ee Dagaal Ooge Cali Khaliif Galaydh ku hor joogo Tuulada Saax dheer.

Qoraal kooban oo uu ku Saxeexan yahay Taliyaha Ciidamada Qaranka Jamhuuriyada Somaliland Sareeye Gaas Ismaaciil Maxamed Cismaan Shaqale oo Nuqul ka mid ahi soo gaadhay Shabakada Qurbejoog.com ayaa  u dhignaa Sidan

“Taliska Ciidanka Qaranka ee Saldhigiisu Yahay Magaalada Kala Baydh ee Degmada Laascaanood Waxaa maanta 3:00 Galabnimo Isu soo dhiibay Gaadhi Tikniko ah oo Madfac Saaran yahay,Kuwaas oo ka soo goostay Kooxda Nabad Diidka ah ee Cali Khaliif Galaydh ku hortaagan yahay Tuulada Saax dheer.

Saraakiisha Ciidanka Qaranka ee Taliskaas ku sugan ayaa si fiican u soo dhaweeyay Ciidankaas ku soo biiray Walaalahooda Ciidanka Qaranka Jamhuuriyada Somaliland.”

Hargaysa SDN/QJ

contact@qurbejoog.com