Madaxweyne Axmed Siilaanyo oo Si Diiran Maanta Caasimada Hargaysa loogu Soo dhaweeyay SAWIRO

Hargaysa 03.Aug 2014 (SDN/QJ)- Madaxweynaha Jamhuuriyada Somaliland. Mudane, Axmed Maxamed Silaanyo ayaa maanta dalka dib ugu soo laabtay ka dib hawlo shaqsi ama fasax-gaaban oo uu  ku joogay Wadanka Ingiriiska.

Madaxweynaha iyo Xubnaha Wehelinayay waxa si weyn loogu soo dhaweeyey Dalka gaar ahaan Caasimada Somaliland ee Hargeysa iyadoo lagaga hortegay Garoonka Diyaaradaha ee Egal International Airport Hargeysa, waxaana soo dhaweeyey Madaxweyne ku xigeenka Mudane Cabdiraxmaan Cabdilaahi Ismaaciil Saylici, gudoomiyaha Xisbiga Muxaafidka ah ee Muuse Biixi Cabdi, Gudoomiye ku xigeenka koowaad ee Xisbiga Mujaahid Maxamed Kaahin, Xubno ka mida Golaha Wasiirada Somaliland, Xildhibaano uu hormood ka yahay Gudoomiye ku xigeenka koowaad ee Baarlamaanku, Wasiir ku-xigeeno, Taliyeyaasha Ciidamada kala Duwan ee Dalka, Marwooyin badan oo ka socday Xisbiga Kulmiye.

Sidoo kale waxa uu madaxweynuhu salaan sharaf ka qaatay Cutubyo ka tirsan Ciidamada Qaranka Somaliland  iyo Saraakiisha Ciidamada.

 

Ka dibna waxa jidadka waa weyn ee caasimada ku soo dhaweeyey dadweyne aad u tiro badan oo lulaayey caleemo, Calamo, Sawirada Mdaxweynaha iyo Ubaxyo.

 

Waxaanu madaxweynuhu soo gaadhay Qasriga Madaxtooyada oo ay ku sugayeen masuuliyiin badan oo ka mida Xukuumada iyo Shaqaalaha Wasaaradda Madaxtooyada JSL.

Hargaysa SDN/QJ

contact@qurbejoog.com