Abu Bakar Baqdaadi Oo La Ogaaday Inay Tababareen Sirdoonnada Reer Galbeedku
Moscow:July,18,2014(SDN/QJ)-Xog cusub oo uu Bixiyey Sir-hayaha Reer Maraykan ee Haatan Ruushka ku Sugan Edward Snowden, ayaa lagu shaaciyey Siro qarsoon oo ku saabsan Hoggaamiyaha Kooxda Daacish Abubakar Baqdaadi.
Xogtan ayaa sheegaysa in Dawladda Yuhuuddu Tababar sare siisay Hoggaamiye Baqdaadi, iyadoo ay arrintaasna ka caawiyeen Sirdoonnada waddama Maraykanka iyo Ingiriisku.
Sida uu daabacay wargeyska Gulf Daily News, Snowden ayaa sheegay in Mareykanka, UK iyo Israel ay hindiseen qorshe ay ku ilaalinayaan jiritaanka Yahuudda oo ay ugu magac dareen “the hornet’s nest”.
Qorshaha ayaa ah in dhammaan kooxaha argagixisada ee dunida hal meel la isugu geeyo, laguna mashquuliyo dagaal aad uga fog Israel.
Documents-ka uu sii daayey Snowden, ayaa sheegaya in kooxda ISIS loo aas aasay in lagu bad baadiyo Yahuudda, si cadowga Israel loogu mashquuliyo dagaallo kale.
Snowden waxa kale oo uu shaaciyey in hoggaamiyaha ISIS Al-Baghdadi uu sanad dhan tababar xooggan ku qaadanayey xerooyin ay maamusho Mossad, halkaasi oo si wanaagsan diinta islaamka iyo hab hadalka soo jiidashada leh loogu barayey.
Shaac ka qaadistan uu sammeeyey Snowden, oo dalka Ruushka magan galyo ka haysta, waa tii ugu weyneyd ee dunida islaamka tuseysa wax badan oo ka qarsanaa.
SDN/QJ
Contact@somalidiasporanews.com