Xulka Brazil Ayaa u soo Baxay (Quater Final-ka Markii Aay Chile u Musaafurisey Gurigoodii) By Jaahuur.

Brazil-28-June-2014(SDN) Saaxiibayaal faaqidaadeena ciyaaraha waxaynu maanta ku turxaamineynaa wareegii labaad ee kubadda cagta aduunka kana socda dalkaa barazil ayaa waxaa ku aftaxay Brazil oo gurigooda marti loogu yahay iyo Chile,xulkii laga badiyana daaqadda ayuu ka baxayaa .

Bal haddaba dib aynu u jaleecno ciyaartii dhexmartey Brazil iyo Chile oo runtii ahayd ciyaar aad u adag oo aan waxba la isu reeban xag farsamo,difaac,weerar iyo xag fisikaba,waxaana ka soo qeybgaley dadweyne aan la soo koobin kareyn oo kor u dhaafey 70,000 iyo dabcan taageerayassh labda dhinac oo intii aay ciyaartu dhamaaneysey aan sawaxanka kala joojin.

Qeybtii hore ee ciyaarta walow aay labada xul iska lumiyeen fursado qaali ah oo la odhan karo waa goolal,laakiin daqiiqaddi 16-aad goolkii ugu horeyey waxaa Brazil kaga farxiyey David Luiz,daqiiqaddii 32-aad waxaa u jawaabey Sanchez.

Qeybtii labaad ee ciyaarta waxba la iskama dhalin,waxaana lagu darey 30-daqiiqo oo dheeraad ah  iyana waxaba la iskama dhalin waxaana loo dhigey rigoorayaal,dabcan Brazil ayaa ku badiseey una soo baxdey qurter finalk-ka.

Waxaa xusid mudan garsoorihii ciyaarta Webb Hard una dhashey England kana mid ahaa garsoorayaashii koobkii koobkii kubadda cagta ee aduunka  lagu qabtey South Africa laguna eedeeyey siidhi farabadan iyo kaadh u taagid badan ayaa ciyaartii maantana khaati laga taagnaa.

Ciyaarta xigta waxaa foodda isla galiya Uruguay uu ka maqanyahay Suraez iyo Colombiya wixii ka soo baxana waan idila soo sodsiin doonaa haddii ilaahay ka dhigo,Rabadaan wanaagsan.

W/qorey Jaahuur

SDN

jjaahuur@hotmail.com